ଏକ୍ସୟୁଭି ଧକ୍କାରେ ସ୍କୁଟି ଚାଳକ ଗୁରୁତର, ଭାଙ୍ଗିଲା କର୍ଲଭର୍ଟ
ବାଲିଅନ୍ତା ବଜାର: ଭୁବନେଶ୍ବର ଉପକଣ୍ଠ ହଂସପାଳ-ଅଭୟମୁଖି ରାସ୍ତାର ରାମଚନ୍ଦ୍ରପୁରସ୍ଥିତ ରାୟ ହୋଟେଲ ନିକଟରେ ଏକ୍ସୟୁଭି ଧକ୍କାରେ ଜଣେ ସ୍କୁଟି ଚାଳକ ଗୁରୁତର ଆହତ ହୋଇଛନ୍ତି। ସୂଚନାନୁସାରେ ଆଜି(ରବିବାର) ପୂର୍ବାହ୍ଣରେ, ହଂସପାଳରୁ କାକଟପୁର ଅଭିମୁଖେ ଯାଉଥିବା ଏକ ଏକ୍ସୟୁଭି ରାୟ ହୋଟେଲ୍ ନିକଟରେ ଭାରସାମ୍ୟ ହରାଇ ରାସ୍ତାରେ ଯାଉଥିବା ଏକ ସ୍କୁଟି ଚାଳକକୁ ଧକ୍କା ଦେଇଥିଲେ। ଦ୍ରୁତଗତିରେ ଥିବାରୁ କାର୍ଟି ମୋଡ଼ ବଦଳାଇ ରାସ୍ତାକଡ଼ରେ ଥିବା ଦିଗସୂଚକ ଫଳକକୁ ଧକ୍କା ଦେଇ ଇଟାକାନ୍ଥରେ ପିଟି ହୋଇଯାଇଥିଲା। ଏଥିରେ କାର୍ର ସମ୍ମୁଖ ଭାଗ ସମ୍ପୂର୍ଣ୍ଣ ଭାଙ୍ଗିଯାଇଥିଲା ଓ ବାମପାର୍ଶ୍ବ ଚକା ଫାଟିଯାଇଥିଲା। ଏଥିରେ ବସିଥିବା ଦମ୍ପତି କୌଣସି ବିଶେଷ ଆହତ ହୋଇନଥିଲେ ହେଁ ଦୁର୍ଘଟଣାଗ୍ରସ୍ତ ସ୍କୁଟି ଚାଳକ ଗୁରୁତର ଆହତ ହୋଇଥିଲେ। ସ୍ଥାନୀୟ ଯୁବକମାନେ ତାଙ୍କୁ ଆମ୍ବୁଲାନ୍ସ ଯୋଗେ ଉଦ୍ଧାର କରି ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲ ପଠାଇଥିଲେ। ଖବର ପାଇ ବାଲିଅନ୍ତା ଥାନା ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ କାର ଓ ସ୍କୁଟିକୁ ଜବତ କରି ଥାନାକୁ ନେଇଥିବା ଜଣାପଡ଼ିଛି।









Comments